ZAMEN MODEREN
Dengoen Bismillah loen puphoen kalam
Saleum ke rakan ke aneuk bangsa
Ke aneuk Aceh yang tebanggakan
Saboeh ingatan nyoe dari hamba
Geutanyoe hudep di jameun jinoe
Beugoet hai adoe jaga le gata
Pengaroeh doenya nibak masa nyoe
Menyoe ta pakoe tanyoe binasa
Bek an lam kota jinoe tapeugah
Lam gampoeng leupah maksit that raya
Di ureung tanyoe gura meuleumpah
Seolah-olah ban aneuk kota
Di kota rayeuk bacuet loen kisah
Loen tuan peugah bacuet bak gata
Seubagoe boekti ke perbandengan
Kiban hai rakan bandeng ngoen desa
Mise Jakarta loen tuan kisah
Deh tae leumah maksit that raya
Mulai bak judi ngoen pelacuran
Atra lage nyan bansaboeh nyan na
Di aneuk dara wate tapandang
Mudah that rakan untuk taba ba
Tinggai tapeuna nyan rupiahan
Tinggai tatelpon laju troeh teuka
Ureung that ceudah haloeh that teugang
Aneuk ban keumang ABG nama
Mantoeng SMA rame that rakan
Nyan ban bandum nyan butoeh beulanja
Miseu koen meunan cara hai rakan
Jieh keulaparan hana beulanja
Hana ngoen pue bloe bue ngoen pakaian
Sebab karna nyan, nyan dikerija
Menyoe lheh mugreb mantoeng mahalan
Leu that peulanggan yang jak troeh teuka
Miseu kajula watee ka laroet
Yum jih pieh ka roet murah hareuga
Na saboeh teumpat jeut tasaksikan
Leuwat roet depan jak cuci mata
Di Gajah Mada nibak jalan nyan
Ji doeng hai rakan mebanja-banja
Nyan kelas tinggi haba bak kabaran
Siap di boking nyoe le beulanja
Mulai meujuta atau ratusan
Dum nan pasaran nyan sinyak dara
Yang murah-murah pih na hai rakan
Di taman lawang siap sedia
Mulai bak bencoeng sampoe yang inoeng
Sinan tempat doeng oh malam jula
Laen ceurita tempat hiburan
Hiburan malam butoeh beulanja
Wate tatamoeng bejeub minuman
Meunan khabaran dengoe berita
Na malam khusus nibak teumpat nyan
Na peunampilan si gadis muda
Gekhen Ladies Nekc haba khabaran
Dara meugoyang teulanjang dada
Dara meuputa bah saboeh tiang
Meugoyang goyang peuleumah dada
Sampoe oh dudoe abeh pakaian
Yang na dibadan banduem dibuka
Menoe cerita yang uloen teume
Dari berbagai sumber yang kana
Dari duem ureung yang kaleuh tamoeng
Geukaloen langsoeng di dalam teuma
Nyoe keh nyoe model wahe e rakan
Nyan keadaan di kota-kota
Lage Jakarta atawa Bandoeng
Nyan keuh rakan loen rupa lam donya
Bacuet ta ingat nyoe kejadian
Bak dara sedang di kota-kota
Meuhan jieh dhek pruet meukoen lagenyan
Hana kerjaan soesah lagoena
Laen cerita ke dara gampoeng
Hudep di tanggoeng le ureung tuha
Rumoeh jih pih na beulanja pih sep
Tapi jieh lawet peuturoet donya
Di jak meuzina bak rata teumpat
Meunan keh sahbat takaloen nyata
Dara geutanyoe kajeut keu kaplat
Mudah that sahbat dipubuet zina
Menyoe loen peugah wahee e taulan
Dara model nyan peulacoer raya
Sebab meuzina ateuh landasan
Sama sama senang saban bahgia
Sebab peulacoer pih jieh lagee nyan
Saban- saban senang saban bahgia
Bahkan lebeuh jieh wate tapandang
Oh lheh pubuet nyan tamoeng beulanja
Di dara tanyoe ka kakeh oh lheh nyan
Mesapue pih tan wahe saudara
Yang na cit dosa geubri le Tuhan
Serta di tanggoeng ayeb that raya
Haba loen peugah dak jeut loen harap
Ke banduem sahbat dara Aceh nyoe
Begoet jaga droe wahe e sahbat
Mangat seulamat tanyoe bahgia
Postingan
